Ministry of Education · بغداد
13 حزيران 2023
Registering postgraduate certificates and certificates for universities outside Kurdistan, with relevant management experience and coordination skills.
وەزارەتى خوێندنى باڵای هەرێم رایگەیاند، کۆدی دامەزراندنی بڕوانامە باڵاکان و سێ یەکەمەکانى ناوچەکانى دەرەوەى هەرێم ئاراستەى زانکۆکان کرد. توانا جاف بەڕێوەبەرى گشتى کارگێڕى و دارایى لە وەزارەتى خوێندنى باڵا و توێژینەوەى زانستى رایگەیاند، خاوەن بڕوانامە باڵاکان و سێ یەکەمەکانى زانکۆکانى هەرێمى کوردستان کە دانیشتوى ناوچەکانى دەرەوەى هەرێمى کوردستانن ئاگادار دەکاتەوە، ئێستا دەتوانن کۆدەکانیان لە زانکۆکانی خۆیان وەربگرنەوە کە ژمارەیان ٢٠٧٥ کەسە. ئەوەشی خستەڕوو، دواى ئەوەى لە ماوەى رابردوو لەسەر داواى حکومەتى عێراقى، وەزارەتى خوێندنى باڵا و توێژینەوەى زانستى حکومەتى کاربەڕێکەری هەرێم لیستى ناوى سێ یەکەمەکانى زانکۆکانى هەرێمى کوردستان و هەڵگرانی بروانامەی باڵا، دەرچوانى بەشە پزیشکى و تەندروستییەکان کە تاکو ئێستا دانەمەزراون و دانیشتوى پارێزگاکانى دەرەوەی هەرێمى کوردستانن، لە رێگەى نوێنەرایەتى هەرێم لە بەغدا بۆ وەزارەتى خوێندنى باڵاى عێراق نێردرا. دواتریش ئاڕاستەى ئەنجومەنى راژەى حکومەتى عێراقى کرا بۆ ئەوەى QR کۆدیان بۆ دروست بکرێت. وتیشى: ئێستا کۆدى دامەزراندنی خاوەن بڕوانامە باڵاکان کە ژمارەیان ٢٢٢ دەرچوە و سێ یەکەمەکان کە ژمارەیان هەزار و ٨٥٣ سێ یەکەمە و دەرچوی زانکۆکانی هەرێمی کوردستانن و دانیشتوی ناوچەکانى دەرەوەی هەرێمی کوردستانن، لە وەزارەتەوە نێرداوە بۆ هەریەک لە زانکۆکانیان، بۆ ئەمەش دەرچوان دەتوانن لە زانکۆکانیان کۆدەکانیان وەربگرنەوە. دەشڵێت، پێوست ناکات هیچ یەکێک لە خاوەن بڕوانامە باڵاکان و سێ یەکەمەکان بۆ ئەم بابەتە سەردانی وەزارەت بکەن، چونکە کۆدەکانیان لە وەزارەتەوە بۆ زانکۆکانى هەرێمى کوردستان نێردراوە و دەرچوان دەتوانن لە زانکۆکانیان کۆدەکانیان وەربگرنەوە. #All_Kurdistan_Jobs
معروض كما نشرته قناة المصدر. نحن نترجمه وننظّمه أعلاه.
المهارات الشخصية
هذا الإعلان مجمّع من مصادر عامة (allkurdistanjobs). لسنا جهة التوظيف — قدّم مباشرة لدى الشركة، ولا تدفع لأي أحد رسوماً للحصول على وظيفة.